ବଣାଇ : ବଳଦ ଖାଇଦେବାରୁ ବାଘକୁ ବିଷ । କଲରାପତରିଆକୁ ବିଷ ଦେଇ ମାରିଦେଲେ । ସୁନ୍ଦରଗଡ଼ ଜିଲ୍ଲା ଗୁରୁଣ୍ଡିଆ ଥାନା ତାମରା ରେଞ୍ଜର କୁସୁମଡ଼ିହି ସେକ୍ସନର ଖେସାରା ଜଙ୍ଗଲରୁ ବାଘର ମୃତଦେହ ଠାବ ହୋଇଛି । ଘଟଣାସ୍ଥଳରେ RCCF, DFO ଓ ଅନ୍ୟ ଟିମ୍ ପହଞ୍ଚି ତଦନ୍ତ ଚଳାଇଛନ୍ତି । ମୃତ ବଳଦ ଉପରେ ବିଷ ଦେଇ ବାଘକୁ ମାରି ଦେଇଥିବା ସୂଚନା ରହିଛି । କିଛି ଦିନ ତଳେ ଏକ ବଳଦକୁ ବାଘ ମାରି ଦେଇଥିଲା । ସେହି ବଳଦ ଉପରେ ଲୋକେ ବିଷ ଦେଇ ଜଙ୍ଗଲରେ ଛାଡ଼ି ଦେଇଥିଲେ ।
ଘଟଣାସ୍ଥଳରେ RCCF, DFO ଓ ଅନ୍ୟ ଅଧିକାରୀ ପହଞ୍ଚି ମୃତ ବାଘର ବ୍ୟବଚ୍ଛେଦ ପରେ ବିଷ ଯୋଗୁଁ ବାଘର ମୃତ୍ୟୁ ହୋଇଥିବା ଜଣାପଡ଼ିଛି । ଏନେଇ ବିଭାଗୀୟ ଅଧିକାରୀଙ୍କ ପ୍ରତିକ୍ରିୟା ମିଳିପାରିନାହିଁ ।
