ଭୁବନେଶ୍ୱର(୩୦.୧୨.୨୦୨୪): ଭୁବନେଶ୍ୱରର ସେଣ୍ଟ ଯୋଶେଫ ହାଇସ୍କୁଲ ପଡିଆରେ ରବିବାର ଦିନ ଅନୁଷ୍ଠିତ ହୋଇଥିବା ଏକ୍ସେଲ ସିଲ୍ଡ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୪ର ଫାଇନାଲ ରୋମାଞ୍ଚକର ମ୍ୟାଚରେ ସହିଦ ସ୍ପୋର୍ଟିଂ କ୍ଲବକୁ ୧୮ ରନରେ ହରାଇ ଚାମ୍ପିଅନ୍ସ ଟ୍ରଫି ହାସଲ କରିଛି ରେଡ୍ ଷ୍ଟାର କ୍ରିକେଟ୍ କ୍ଲବ୍ । ଫାଇନାଲ ମ୍ୟାଚରେ ଉଭୟ ଦଳ ମଧ୍ୟରେ କଡ଼ା ମୁକାବିଲା ଦେଖିବାକୁ ମିଳିଥିଲା । ଟସ୍ ଜିତି ରେଡ୍ ଷ୍ଟାର କ୍ରିକେଟ୍ କ୍ଲବ୍ ବ୍ୟାଟିଂ କରିବାକୁ ନିଷ୍ପତ୍ତି ନେଇ ୧୮୧ ରନ ଟାର୍ଗେଟ୍ ଦେଇଥିଲା, ଯାହାକୁ ସହିଦ ସ୍ପୋର୍ଟିଂ ଦଳକୁ ମୁକାବିଲା କରିବା କଷ୍ଟକର ହୋଇପଡ଼ିଥିଲା । ସପ୍ତାହବ୍ୟାପୀ ଚାଲିଥିବା ଏକ୍ସେଲ ସିଲ୍ଡ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୪, ଚାମ୍ପିଅନ୍ସ ଟ୍ରଫିରେ ୧୪ ବର୍ଷରୁ କମ୍‌ ବୟସ ଶୃଙ୍ଖଳା ଚମ୍ପିଆନସିପ୍‌ରେ ଓଡ଼ିଶାରୁ ୧୬ ଟି କ୍ରିକେଟ୍‌ ଟିମ୍‌ ଭାଗ ନେଇଥିଲେ । ଏହି ଟୁର୍ଣ୍ଣାମେଣ୍ଟର ଉଦ୍‌ଯାପନୀ ତଥା ଫାଇନାଲ ମ୍ୟାଚ ଡିସେମ୍ବର ୨୯ ତାରିଖରେ ଖେଳା ଯାଇଥିଲା ।
ଏଥିରେ ଅତିଥି ଭାବେ ଯୋଗ ଦେଇଥିଲେ ଅନ୍ତର୍ଜାତୀୟ ଆଥଲେଟ୍ ତଥା ସ୍ପ୍ରିଣ୍ଟର ଅନୁରାଧା ବିଶ୍ୱାଳ, ବିଶିଷ୍ଟ ରାଜନେତା ଜଗନ୍ନାଥ ପ୍ରଧାନ, ଭାରତୀୟ କରାଟେ ଖେଳାଳି ଭାଲେନା ଭାଲେଣ୍ଟିନା, ପାରା ଆଥଲେଟ୍ ରାଖାଲ କୁମାର ସେଠୀ, ସେଣ୍ଟ ଯୋଶେଫ ହାଇସ୍କୁଲର ସଂୟୋଜିକା ଜୟନ୍ତୀ ସାମୁଏଲ, ବରିଷ୍ଠ ସାମ୍ବାଦିକ ସୁଦର୍ଶନ ଛୋଟରାୟ, ଟିବିଟି ଅନସାରୀ, ତାମିଲ ସଙ୍ଘର ସାଧାରଣ ସମ୍ପାଦକ ଡ. ଗୌର ଚନ୍ଦ୍ର ମହାପାତ୍ର, ସଭାପତି ଏକ୍ସେଲ କ୍ରିକେଟ ଏକାଡେମୀ ଡ଼ଃ ରଘୁନାଥ ରାଓ ବିଜେତା ଦଳ ଓ ଖେଳାଳିମାନଙ୍କୁ ପୁରସ୍କାର ପ୍ରଦାନ କରିଥିଲେ । ଓଡ଼ିଶାର ବର୍ଷର ସବୁଠାରୁ ଉଦୀୟମାନ କ୍ରିକେଟରଙ୍କୁ ପୁରସ୍କୃତ କରିବା ପାଇଁ ଏକ୍ସେଲ କ୍ରିକେଟ ଏକାଡେମୀ ପକ୍ଷରୁ ଘୋଷଣା କରାଯାଇଛି ଏବଂ ଚଳିତ ବର୍ଷ ସୟଦ ତୁଫୈଲ ଅହମ୍ମଦଙ୍କୁ ଏହି ପୁରସ୍କାର ପ୍ରଦାନ ପାଇଁ ମନୋନୀତ କରାଯାଇଥିଲା ।
ଅନ୍ତର୍ଜାତୀୟ ଅଲିମ୍ପିଆନ୍ ଅନୁରାଧା ବିଶ୍ୱାଳ ଆନୁଷ୍ଠାନିକ ଭାବେ ମହିଳା ପ୍ରିମିୟର ଲିଗ୍ ୨୦୨୫ (Women Premiere League 2025) କୁ ଉଦ୍ଘାଟନ କରିଥିଲେ ଯାହା ଏକ୍ସେଲ କ୍ରିକେଟ୍ ଏକାଡେମୀ ଦ୍ବାରା ଅନୁଷ୍ଠିତ ହେବ । ଏହି WPL ୨୦୨୫ ଓଡ଼ିଶାର ଯୁବ ବାଳିକା କ୍ରିକେଟ୍ ଖେଳାଳୀମାନଙ୍କ ପାଇଁ ସର୍ବୋଚ୍ଚ ପ୍ରତିଯୋଗିତାମୂଳକ ସ୍ତରରେ ପ୍ରଦର୍ଶନ କରିବା ପାଇଁ ଏକ ପ୍ଲାଟଫର୍ମ ଭାବରେ କାର୍ଯ୍ୟ କରିବ ଯାହା ଦ୍ବାରା ଭବିଷ୍ୟତର ବୃହତ ପ୍ରତିଯୋଗିତା ପାଇଁ ନିଜକୁ ପ୍ରସ୍ତୁତ କରିବା ପାଇଁ ସେମାନଙ୍କର ଦକ୍ଷତାର ବୃଦ୍ଧିଘଟିବ | ଏହାର ପଞ୍ଜୀକରଣ ୧୧ ଜାନୁୟାରୀ ୨୦୨୫ ରୁ www.excelcricketacademy.com ର ଅଫିସିଆଲ୍ ୱେବସାଇଟରେ ଆରମ୍ଭ ହେବ ।
ଏକ୍ସେଲ କ୍ରିକେଟ୍ ଏକାଡେମୀ ହେଉଛି ଶ୍ରୀମନ୍ତ ସୁଆର ଓ ଶ୍ରୀମତୀ କବିତା ସୁଆର ଏବଂ କୋଚ୍ ମହମ୍ମଦ୍‌ ଆଜାଦ୍‌ଙ୍କର ଏକକ ଦୃଷ୍ଟିକୋଣ । କ୍ରିକେଟିଂ ପ୍ରତିଭାମାନଙ୍କୁ ପ୍ରତିଯୋଗୀ ପ୍ଲାଟଫର୍ମ ଯୋଗାଇବା ଏବଂ ଦଳଗତ କାର୍ଯ୍ୟ ଏବଂ କ୍ରୀଡ଼ାବିତ୍ ମୂଲ୍ୟବୋଧକୁ ଉତ୍ସାହିତ କରିବା ପାଇଁ ଏହା ଲକ୍ଷ୍ୟ ରଖିଛି | ଏହି କାର୍ଯ୍ୟକ୍ରମକୁ ଶ୍ରୀ ପ୍ରଶାନ୍ତ କୁମାର ପ୍ରଧାନ ତଥା ବିଶିଷ୍ଟ ସାମାଜିକ କାର୍ଯ୍ୟକର୍ତ୍ତା ଅତି ସୁନ୍ଦର ଭାବରେ ଆୟୋଜନ କରିଥିଲେ ।