ପାରାଦୀପ: ଜାହାଜରେ ଲାଗିଲା ନିଆଁ । ପାରାଦୀପ ବନ୍ଦରରେ ଅଘଟଣ । ଲୋଡିଂ ବେଳେ ଜାହାଜରେ ଲାଗିଲା ନିଆଁ । ଇକୋ କୋଲୋନେଲ ଜାହାଜରେ ନିଆଁ । ନିଆଁ ଲାଗି ସାରା ଅଞ୍ଚଳ ଧୂଆଁମୟ ହୋଇଯାଇଥିଲା । ଗତକାଲି ବିଳମ୍ବିତ ରାତିରେ ଘଟିଥିଲା ଅଘଟଣ । ଜାହାଜରେ କୋଇଲା ବୋଝେଇ ସମୟରେ ନିଆଁ ଲାଗିଯାଇଥିଲା । ଚେନ୍ନାଇରାଧା ବର୍ଥରେ ଲୋଡିଂ ହେଉଥିଲା ଥର୍ମାଲ କୋଇଲା ।
ଜାହାଜକୁ CQ-2 ବର୍ଥକୁ ଅଣାଯାଇ କୋଇଲା କଢାଯିବା ପରେ ନିଆଁ ଲିଭାଯାଇଛି । CISF ର ଅଗ୍ନିଶମ ବିଭାଗ ନିଆଁକୁ ଆୟତ୍ତ କରିଥିଲା । ଥର୍ମାଲ କୋଇଲା ଗୁଡିକ ସାଧାରଣତଃ ଗରମ ରହିଥାଏ ସେଗୁଡ଼ିକୁ ଜାହାଜରେ ଲୋଡିଂ ସମୟରେ ପାଣି ମାରି ଲୋଡିଂ କରାଯାଇଥାଏ। ତେବେ କାଲି ବିଳମ୍ବିତ ରାତିରେ କୋଇଲା ଲୋଡିଂ ସମୟରେ ପାଣି ମରାଯାଇନଥିବାରୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି ।
