କଟକ: କଟକର ସିଡିଏ ସେକ୍ଟର-୯ରେ ସୋମବାର ଦିନ ନିର୍ମାଣ କାର୍ଯ୍ୟ ସମୟରେ ଦୁର୍ଘଟଣାବଶତଃ ଗେଲ୍ (ଇଣ୍ଡିଆ) ଲିମିଟେଡ୍‌ର ଏକ ଏଲପିଜି ଗ୍ୟାସ୍ ପାଇପଲାଇନ୍ ଫାଟି ଯାଇଛି। ସୂଚନା ଅନୁଯାୟୀ, ସିଡିଏ ସେକ୍ଟର-୯ରେ ଚାଲିଥିବା ନିର୍ମାଣ କାର୍ଯ୍ୟ ପାଇଁ ଭାରୀ ଯନ୍ତ୍ରପାତି ବ୍ୟବହାର କରାଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା। ଖନନ ସମୟରେ ଭୂତଳ ପାଇପଲାଇନରେ ଏହା ବାଜି ଯାଇଥିଲା, ଯାହା ଫଳରେ ହଠାତ୍ ଏଲପିଜି ଗ୍ୟାସ୍ ଲାଇନ୍ ଫାଟି ଲିକେଜ୍ ହୋଇଥିଲା। ତେବେ ସ୍ଥାନୀୟ ଲୋକେ ଗ୍ୟାସର ତୀବ୍ର ଗନ୍ଧ ଶୁଙ୍ଘି ପାରି ତୁରନ୍ତ କର୍ତ୍ତୃପକ୍ଷଙ୍କୁ ସତର୍କ କରାଇଥିଲେ।