ଭୁବନେଶ୍ୱର: ପର୍ଯ୍ୟଟକଙ୍କ ପାଇଁ ନୂଆ ଆକର୍ଷଣ ଯୋଡ଼ିବା ଉଦ୍ଦେଶ୍ୟରେ ନନ୍ଦନକାନନ ପ୍ରାଣୀ ଉଦ୍ୟାନରେ ୧୧ଟି ଭିନ୍ନ ପ୍ରଜାତିର ୩୬ଟି ପଶୁପକ୍ଷୀଙ୍କୁ ସାମିଲ କରାଯାଇଛି।ଅଧିକାରୀମାନେ କହିଛନ୍ତି ଯେ, ରାଜ୍ୟସ୍ତରୀୟ ବନ୍ୟପ୍ରାଣୀ ସପ୍ତାହ ପାଳନ ଅବସରରେ ଅକ୍ଟୋବର ୩ ତାରିଖ ଦିନ ଏହି ନୂଆ ଭାବେ ନିର୍ମିତ ଆବାସସ୍ଥଳୀଗୁଡ଼ିକୁ ସର୍ବସାଧାରଣଙ୍କ ପାଇଁ ଖୋଲାଯାଇଥିଲା।
ଏହି ନୂଆ ପ୍ରାଣୀମାନଙ୍କ ମଧ୍ୟରେ ଜେବ୍ରା, କଙ୍ଗାରୁ, ୱାଲାବି, ମିରକାଟ୍ (meerkats) ଏବଂ ଟଫ୍ଟେଡ୍ କ୍ୟାପୁଚିନ୍ ମାଙ୍କଡ଼ (tufted capuchin monkeys) ଅନ୍ତର୍ଭୁକ୍ତ। ଯେଉଁ ପ୍ରଜାତିଗୁଡ଼ିକ ଦେଶର ଏହି ଅଞ୍ଚଳରେ ବହୁତ କମ୍ ଦେଖିବାକୁ ମିଳେ। ଉଦ୍ୟାନରେ ବିଭିନ୍ନ ବିଦେଶୀ ପକ୍ଷୀଙ୍କୁ ମଧ୍ୟ ସାମିଲ କରାଯାଇଛି। ଯେଉଁଥିରେ ସ୍କାରଲେଟ୍ ଆଇବିସ୍ (scarlet ibis), ସଲଫର୍-କ୍ରେଷ୍ଟେଡ୍ କକାଟୁ (sulphur-crested cockatoos) ଏବଂ ମ୍ୟାକୋ (macaws) ପକ୍ଷୀର ତିନୋଟି ରଙ୍ଗୀନ ପ୍ରଜାତି ଅନ୍ତର୍ଭୁକ୍ତ।
ଜେବ୍ରା, କଙ୍ଗାରୁ ଏବଂ ୱାଲାବିଙ୍କ ସାମିଲ ହେବା ଦ୍ୱାରା ପିଲାମାନେ ଏବଂ ପ୍ରଥମ ଥର ପାଇଁ ଆସୁଥିବା ପର୍ଯ୍ୟଟକଙ୍କ ବିଶେଷ ଦୃଷ୍ଟି ଆକର୍ଷଣ ହେବ ବୋଲି ଆଶା କରାଯାଉଛି। ଏହି ନୂଆ ଆବାସସ୍ଥଳୀଗୁଡ଼ିକୁ ଏପରି ଭାବରେ ଯତ୍ନର ସହ ଡିଜାଇନ୍ କରାଯାଇଛି। ଯେପରି ପଶୁମାନଙ୍କ ପାଇଁ ଆରାମଦାୟକ ରହଣି ସ୍ଥାନ ସୃଷ୍ଟି ହେବା ସହିତ ସର୍ବସାଧାରଣ ସେମାନଙ୍କୁ ସ୍ପଷ୍ଟ ଭାବରେ ଏବଂ ନିକଟରୁ ଦେଖିବାର ସୁଯୋଗ ପାଇପାରିବେ।
