ପଟନା: ବିହାରର ଦରଭଙ୍ଗାରେ ନିର୍ବାଚନୀ ପ୍ରଚାର କରିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ନିର୍ବାଚନୀ ରାଲିକୁ ସମ୍ବୋଧିତ କରି ଯୋଗୀ ବିରୋଧୀ ମହାମେଣ୍ଟକୁ ୩ଟି ମାଙ୍କଡର ଯୋଡି ଭାବେ ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ, ଯଦି NDA ଜିତିବ, ତେବେ ବିହାର ବିଜୟୀ ହେବ। ସେ କଂଗ୍ରେସ ଏବଂ ରାଷ୍ଟ୍ରୀୟ ଜନତା ଦଳକୁ ପ୍ରଭୁ ଶ୍ରୀରାମଙ୍କ ପ୍ରତି ବିଶ୍ୱାସଘାତକ ବୋଲି କହିଛନ୍ତି। ଯେ ଯେଉଁମାନେ ମାତା ଜାନକୀଙ୍କୁ ବିରୋଧ କରନ୍ତି, ସେମାନେ ମଧ୍ୟ ଆମ ବିରୋଧୀ। ରାମ ଲାଲା ଅଯୋଧ୍ୟାରେ ସିଂହାସନରେ ବସିଛନ୍ତି। ମାତା ଜାନକୀ ମଧ୍ୟ ମିଥିଳାରେ ସିଂହାସନରେ ବସିବେ। ସୀତାମାଢ଼ିରେ ମାତା ଜାନକୀଙ୍କ ମନ୍ଦିର ମଧ୍ୟ ନିର୍ମାଣ କରାଯାଉଛି। ଏବେ ଉଭୟଙ୍କୁ ସଂଯୋଗ କରିବା ପାଇଁ ରାମ-ଜାନକୀ ମାର୍ଗ ନିର୍ମାଣ କାର୍ଯ୍ୟ ମଧ୍ୟ ଯୁଦ୍ଧକାଳୀନ ଭିତ୍ତିରେ ଆରମ୍ଭ ହୋଇଛି।

ଯୋଗୀ ମଖାନା ବୋର୍ଡ ଗଠନଠାରୁ ଆରମ୍ଭ କରି ଲାଖ ଚୁଡ଼ିକୁ ମାନ୍ୟତା ଦେବା ପର୍ଯ୍ୟନ୍ତ, ରାସ୍ତାଠାରୁ ଆକାଶ ଏବଂ ଜଳପଥ ପର୍ଯ୍ୟନ୍ତ ଏନଡିଏ ସରକାରଙ୍କ ପ୍ରୟାସଗୁଡ଼ିକୁ ତାଲିକାଭୁକ୍ତ କରିଥିଲେ ଏବଂ କହିଥିଲେ ଯେ ଡବଲ-ଇଞ୍ଜିନ୍ ସରକାରରେ ହିଁ ଏପରି ବିକାଶ ହୁଏ। ସେ ଅଯୋଧ୍ୟାରୁ ଏକ ବାର୍ତ୍ତା ନେଇ ମାତା ଜାନକୀଙ୍କ ଭୂମିକୁ ଆସିଛନ୍ତି। ଡବଲ ଇଞ୍ଜିନ୍ ସରକାର ସମାଜର ପ୍ରତ୍ୟେକ ବର୍ଗକୁ ଯୋଜନାର ଲାଭ ଯୋଗାଇଦେଉଛି । ବିରୋଧୀ ମହାମେଣ୍ଟକୁ ଯୋଗୀ କଟୁ ସମାଲୋଚନା କରି ଆରଜେଡି ଏବଂ କଂଗ୍ରେସ ହିନ୍ଦୁଦ୍ରୋହୀ ଏବଂ ରାମଦ୍ରୋହୀ ବୋଲି କହିଥିଲେ। ଆପଣ ଗାନ୍ଧୀଜୀଙ୍କ ତିନି ମାଙ୍କଡ଼ ବିଷୟରେ ନିଶ୍ଚୟ ଶୁଣିଥିବେ। ଆଜି INDI ମେଣ୍ଟରେ ତିନୋଟି ମାଙ୍କଡ଼ ଅଛନ୍ତି। ପପ୍ପୁ, ଟପ୍ପୁ ଏବଂ ଅପ୍ପୁ। ଏହି ମେଣ୍ଟ ତିନୋଟି ମାଙ୍କଡ଼ଙ୍କ ଯୋଡ଼ି ବୋଲି ଯୋଗୀ କହିଥିଲେ।