ଇଉରୋପୀୟ ମଡେଲ କହୁଛି, ଆନ୍ଧ୍ର-ଓଡ଼ିଶା ଉପକୂଳ ଆଡ଼େ ମୁହାଁଇପାରେ। ଆଉ ଦୁଇଟି ମଡେଲ ଦର୍ଶାଉଛି, ବାଙ୍ଗଲାଦେଶ କିମ୍ବା ମ୍ୟାଁମାର ଦିଗକୁ ମୋଡ଼ି ଯାଇପାରେ ବାତ୍ୟା। ଭାରତୀୟ ପାଣିପାଗ ବିଜ୍ଞାନ ବିଭାଗ (ଆଇଏମଡି) ଅନୁସାରେ କେନ୍ଦ୍ରୀୟ ଆଣ୍ଡାମାନ ସାଗର ଓ ସଂଲଗ୍ନ ଅଞ୍ଚଳ ଉପରେ ଏକ ଘୂର୍ଣ୍ଣିବଳୟ ଅଛି। ୧୩ରେ ଦକ୍ଷିଣ ପୂର୍ବ ବଙ୍ଗୋପସାଗରରେ ଏହା ଲଘୁଚାପ ରୂପ ନେବ। ୧୫ ତାରିଖ ବେଳକୁ ଦକ୍ଷିଣ ବଙ୍ଗୋପସାଗରର କେନ୍ଦ୍ରୀୟ ଅଞ୍ଚଳରେ ଅବପାତରେ ପରିଣତ ହେବ। ବିସ୍ତାରିତ ପୂର୍ବାନୁମାନରେ ଆଇଏମଡି ଦର୍ଶାଇଛି ଯେ ଏହା ଅଧିକ ଘନୀଭୂତ ହୋଇ ବାତ୍ୟା ସୃଷ୍ଟି ହେବା ନେଇ ବିଭିନ୍ନ ମଡେଲ ମଧ୍ୟରେ ଏକମତ ରହିଛି। ମାତ୍ର ସମ୍ଭାବ୍ୟ ଗତିପଥ ଓ ସ୍ଥଳଭାଗ ଛୁଇଁବା (ଲ୍ୟାଣ୍ଡଫଲ୍‌)ନେଇ ବିଭିନ୍ନ ମଡେଲ୍‌ ମଧ୍ୟରେ ଭିନ୍ନ ମତ ରହିଛି।