ଟୋକିଓ: ଜାପାନ ପ୍ରଧାନମନ୍ତ୍ରୀ ସାନାଏ ତାକାଇଚି ରବିବାର ଏକ ଐତିହାସିକ ବିଜୟ ହାସଲ କରିଛନ୍ତି । ଭୋଟ୍ ଶେଷ ହେବାର ଦୁଇ ଘଣ୍ଟା ମଧ୍ୟରେ ତାକାଇଚିଙ୍କ ମେଣ୍ଟ ବହୁମତ ପାଇଁ ଆବଶ୍ୟକ ୨୩୩ ଆସନ ଅତିକ୍ରମ କରିଛି । ତାଙ୍କ ଲିବରଲ୍ ଡେମୋକ୍ରାଟିକ୍ ପାର୍ଟି (LDP) ଏକ ବିଶାଳ ବିଜୟ ହାସଲ କରିଛି, ଯାହାକୁ ଏପର୍ଯ୍ୟନ୍ତ ଏହାର ସର୍ବୋତ୍ତମ ପ୍ରଦର୍ଶନ ମଧ୍ୟରୁ ଗୋଟିଏ ବୋଲି ବିବେଚନା କରାଯାଉଛି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଭୋଟିଂ ଶେଷ ହେବାର ମାତ୍ର ଦୁଇ ଘଣ୍ଟା ପରେ ଲିବରଲ୍ ଡେମୋକ୍ରାଟିକ୍ ପାର୍ଟି ବହୁମତ ସଂଖ୍ୟା ଅତିକ୍ରମ କରିଛି । ପ୍ରଧାନମନ୍ତ୍ରୀ ତାକାଇଚିଙ୍କ ଦଳକୁ ବହୁମତ ପାଇଁ ୨୩୩ ଆସନ ଆବଶ୍ୟକ ଥିଲା, ଯାହାକୁ ସେ ସହଜରେ ହାସଲ କରିନେଇଥିଲା । ୬୪ ବର୍ଷୀୟ ତାକାଇଚିଙ୍କ ନେତୃତ୍ୱରେ ଏଲଡିପି ୪୬୫ ଆସନରୁ ୩୧୨ ଆସନ ଜିତିଥିଲା, ଯାହା ୨୩୩ ଆସନ ବିଶିଷ୍ଟ ବହୁମତ ସଂଖ୍ୟାଠାରୁ ବହୁତ ଅଧିକ ।
