ଭୁବନେଶ୍ୱର : ରାଜ୍ୟକୁ ପୁଞ୍ଜିନିବେଶର ସୁଅ । ହାଇଦ୍ରାବାଦ ଇନଭେଷ୍ଟର୍ସ ମିଟରୁ ଓଡ଼ିଶାକୁ ଆସିଲାଣି ୭୦ ହଜାର କୋଟିର ନିବେଶ । ମାତ୍ର ୨ଦିନରେ ଏତେ ପରିମାଣର ନିବେଶ ଓଡ଼ିଶାର ଶିଳ୍ପନୀତି ପ୍ରତି ଶିଳ୍ପସଂସ୍ଥା ଆକୃଷ୍ଟ ହୋଇଥିବା ସ୍ପଷ୍ଟ ହୋଇଛି । ମୁଖ୍ୟମନ୍ତ୍ରୀ ମୋହନ ମାଝୀ ଶିଳ୍ପପତିଙ୍କ ସହ ପ୍ରାୟ ୨୫ ବୈଠକ କରିଛନ୍ତି । ୧୩ଟି ଏମଓୟୁ ସ୍ବାକ୍ଷର ହୋଇଥିବା ବେଳେ ଏଥିରେ ପ୍ରାୟ ୨୭ ହଜାର କୋଟିର ନିବେଶ ହେବ ।
ଏହା ମାଧ୍ୟମରେ ରାଜ୍ୟରେ ପ୍ରାୟ ୧୫ହଜାର ୯ଶହ ରୋଜଗାର ସୃଷ୍ଟି ହେବ । ସେହିପରି ପ୍ରାୟ ୪୦ହଜାର କୋଟିର ପ୍ରକଳ୍ପକୁ ମଞ୍ଜୁର କରାଯାଇଛି । ଶିଳ୍ପପତିଙ୍କ ସହ ୱାନ ଟୁ ୱାନ ଆଲୋଚନା କରିଛନ୍ତି ମୁଖ୍ଯମନ୍ତ୍ରୀ ମୋହନ ମାଝୀ । ଓଡ଼ିଶାର ଶିଳ୍ପ ଅନୁକୂଳ ନୀତି ଓ ଶିଳ୍ପକୁ ପ୍ରୋତ୍ସାହନ ଦ୍ବାରା ବଡ଼ ପରିମାଣର ପୁଞ୍ଜିନିବେଶ ନେଇ ହାଇଦ୍ରାବାଦ ଭରସା ଦେଇଥିବା କହିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ଏହି ସମୟ ମଧ୍ୟରେ ଫାର୍ମା ସିଟିକ୍ୟୁକାଲସ, କେମିକାଲ ଓ ଲଜିଷ୍ଟିକସ, ପ୍ରତିରକ୍ଷା, ବିରଳ ମୃତ୍ତିକା ପ୍ରୋସେସିଂ ଆଦି କ୍ଷେତ୍ରରେ ଶିଳ୍ପପତିଙ୍କ ସହ ଆଲୋଚନା କରିଛନ୍ତି ।
