ଏହା ପୂର୍ବରୁ ଘଟଣାସ୍ଥଳରୁ ୨ଟି ମୃତଦେହ ଉଦ୍ଧାର କରାଯାଇଥିଲା, ଯାହାକୁ ମିଶାଇ ଏହି ଦୁଃଖଦ ଦୁର୍ଘଟଣାରେ ଏବେ ସୁଦ୍ଧା ମୋଟ ୫ ଜଣଙ୍କ ମୃତଦେହ ମିଳିସାରିଲାଣି। ଘଟଣାସ୍ଥଳରେ ପ୍ରାୟ ୨୫ ରୁ ୩୦ ଫୁଟ୍‌ର ପଥର ଓ କାଦୁଅ-ମାଟି କୁଢ ଜମି ରହିଥିବାରୁ ଏବଂ କିଛି ପଥର ବହୁତ ବଡ଼ ହୋଇଥିବାରୁ ରେସ୍କ୍ୟୁ ଟିମ୍‌କୁ ପ୍ରବଳ ସମସ୍ୟାର ସମ୍ମୁଖୀନ ହେବାକୁ ପଡ଼ୁଛି । ପଥର ଗୁଡ଼ିକୁ ଛୋଟ କରିବା ପାଇଁ ବ୍ଲାଷ୍ଟିଂ ଓ ଡ୍ରିଲିଂ ମଧ୍ୟ କରାଯାଉଛି। ମାଟି ଅତଡ଼ା ତଳେ ଫସି ରହିଥିବା ଅନ୍ୟ ନିଖୋଜ ଲୋକଙ୍କୁ ଠାବ କରିବା ପାଇଁ ପ୍ରଶାସନ ପକ୍ଷରୁ ସେଠାରେ ସନ୍ଧାନ ଜାରି ରହିଛି ।